Archiv
Festa da musica chantunala Clostra 2024









Festa da giubileum 150 ons società da musica Tschlin ils 24.06.2024 a Sclamischot.
Ün cordial bainvgnü a nossa festa da giubileum
150 ons Società da musica Tschlin
La società da musica s’allegra da pudair festagiar ils 24 gün 2023 il giubileum da 150
ons. Dal 1873 es gnüda fundada la Società da musica Tschlin suot la direcziun da Cla
Grand culs musicants da las famiglias S-charplaz, Janett, Gustin, Starlay e Trombetta.
Sur tuot quists ons, cun divers dirigents ed üna gronda quantità da musicantas e
musicants e divers comites al timun, esa stat pussibel da mantgnair quista società fin
al di dad hoz sco ch’ella exista uossa, da buna qualità e cun üna media d’età ourdvart
giuvna. Ils arrandschamaints tradiziunals da la società dürant l’on sun sunar a Büman
pel on nouv, il concert annual, la festa da god, festa naziunala, anniversaris dad 80
ons e 90 ons. Minchatant sto nossa società eir sunar per occasiuns main allegraivlas,
nempe per mortoris da commembers activs o d’onur. Eir a festas da musica
districtualas e chantunalas piglia nossa società scha pussibel adüna part.
Natüralmaing toccan eir otras occurrenzas, arrandschamaints e festas pro la società
da musica. Be cun grond ingaschmaint da tuots esa reuschi da mantgnair quista
società daspö 150 ons. Per cha la società funcziuna douvra natüralmaing eir, sper il
sunar, üna buna atmosfera tanter giuven e vegl, uschea as poja adüna darcheu
passantar fich bellas uras da cumpagnia cun bellas festas. E scha nossa società viva
inavant dal plaschair da far insembel musica cun corp ed orma, lura nun haja dubis
ch’ella viva amo blers ons inavant.
No, la società da musica vain grond plaschair da pudair festagiar quist giubileum da
150 ons insembel cun vo. No giavüschain a tuots ün bel di da festa cun bella musica
e bels mumaints da cumpagnia. Eviva la musica! Il president da la musica e dal comitè d’organisaziun
Peder Andri Arquint













Festa da god 2022






Festa da giubileum 200 ons chapella da musica Danuder 2022





Festa da musica chantunala Arosa 2019





Concert anual cun la chantadura Sara Bigna Janett 2018
Festa da musica districtuala Ftan 2015



Festa da musica chantunala Cuoira 2013



Di da musica Prutz 2011
Festa da musica districtuala Silvaplana 2010





















Festa da musica chantunala Scuol 2007
Festa da musica districtuala San Murezzan 2005




Diversas festas da musica
Müstair 2001
Tavo 1997
Müstair 2001
Tavo 1997
Tavo 1997